काठमाडौं । आज साउन १६ गते, शुक्रबारका लागि मौसम पूर्वानुमान महाशाखाले देशका अधिकांश भागमा मेघगर्जनसहितको वर्षाको सम्भावना रहेको जनाएको छ। बिहान ६ बजे जारी गरिएको २४ घण्टे बुलेटिनअनुसार दिउँसो र राति दुवै समयमा देशभर साधारणतया बदली रहने र विशेषगरी पहाडी क्षेत्रमा सक्रिय वर्षा प्रणाली रहने उल्लेख छ।

दिउँसो : कोसी, लुम्बिनी, कर्णाली र सुदूरपश्चिममा बढी प्रभाव

दिउँसोको पूर्वानुमान अनुसार,

कोसी, लुम्बिनी, कर्णाली र सुदूरपश्चिम प्रदेशका पहाडी भूभागहरूमा धेरै स्थान र तराई भूभागका थोरै स्थानहरूमा मेघगर्जन/चट्याङसहित मध्यम वर्षा हुन सक्नेछ।

यस अवधिमा कृषि, यात्रा र बाहिरी क्रियाकलापमा संलग्न नागरिकलाई सावधानी अपनाउन आग्रह गरिएको छ।

राति : बागमतीको पहाडमा भारी वर्षाको चेतावनी

रातिको मौसम पनि उस्तै बदली रहने बताइएको छ।

कोसी, मधेस, बागमती र गण्डकी प्रदेशका पहाडी भूभागहरूमा धेरै स्थान र तराईका केही स्थानहरूमा पनि मेघगर्जन/चट्याङसहित मध्यम वर्षा को सम्भावना रहेको महाशाखाले जनाएको छ।

विशेष गरी बागमती प्रदेशको पहाडी क्षेत्रका एक–दुई स्थानमा भारी वर्षा हुन सक्ने सम्भावना रहेकोले पहिरो, बाढी र सडक अवरोधजस्ता सम्भावित जोखिमप्रति स्थानीयवासी र सम्बन्धित निकायहरूलाई सतर्क रहन आग्रह गरिएको छ।

🔔 सुझाव:

अत्यावश्यक नपरी खुला स्थानमा जानु नगर्नुहोस्।

यात्रामा निस्कनुअघि मौसमको अद्यावधिक जानकारी लिनुहोस्।

पहाडी बस्ती, नदी किनार र डुबान सम्भावित क्षेत्रका नागरिक विशेष सतर्क रहनुहोस्।

• Jigyasanepal