काठमाडौं – हाल नेपालमा पश्चिमी वायुको प्रभाव कायमै रहेको छ। मौसम पूर्वानुमान महाशाखाका अनुसार कोशी प्रदेशसहित देशका पहाडी भेगमा आंशिक बदली भए पनि अन्य भू-भागमा मौसम सफा देखिएको छ। तराईका केही स्थानमा भने हुस्सु र कुहिरो लाग्ने क्रम जारी छ।

आजको मौसम स्थिति

आज दिउँसो सुदूरपश्चिम प्रदेशसहित पहाडी क्षेत्रमा आंशिक बदली रहनेछ भने अन्य स्थानमा मौसम सामान्यत: खुला रहने सम्भावना छ। साथै, उच्च पहाडी तथा हिमाली क्षेत्रका केही स्थानमा हल्का हिमपात हुनसक्ने अनुमान गरिएको छ।

रातिको पूर्वानुमान

महाशाखाका अनुसार आज राति सुदूरपश्चिम, कर्णाली, लुम्बिनी प्रदेशसहित देशका पहाडी भेगमा आंशिकदेखि सामान्य बदली रहनेछ। उच्च पहाडी तथा हिमाली क्षेत्रमा एक-दुई स्थानमा हल्का हिमपातको सम्भावना छ।

वर्षा र हिमपातको प्रभाव

पश्चिमी न्यून चापीय प्रणालीको प्रभावका कारण हिमपातको सम्भावना बढेको मौसमविद्हरूको भनाइ छ। हिमाली क्षेत्रमा तापक्रम घट्ने भएकाले चिसो बढ्न सक्ने अनुमान गरिएको छ।

सावधानी अपनाउन आग्रह

वर्षा तथा हिमपातको प्रभावले यात्रामा असर पुर्‍याउन सक्ने भएकाले सावधानी अपनाउन मौसमविद्हरूले आग्रह गरेका छन्। विशेष गरी हिमाली भेगमा यात्रा गर्नेहरूका लागि आवश्यक सतर्कता अपनाउन अनुरोध गरिएको छ।

• Jigyasa media