भारत ।भारतको धारचुला नजाङ्ग क्षेत्रमा पहिरो जाँदा दार्चुलाका एक युवकको ज्यान गएको छ। नौगाड गाउँपालिका–६, धुलिगाडाका २० वर्षीय सन्तोष सिंह ठगुन्नाको घटनास्थलमै मृत्यु भएको छ।
शनिबार दिउँसो आएको पहिरोमा परी अन्य पाँच जना घाइते भएका छन्। घाइतेमध्ये नौगाड गाउँपालिका–६ निवासी गणेश सिंह ठगुन्ना र दीपक सिंह ठगुन्नाका साथै भारतका राकेश जोशी र सुरेश कुमार छन्। एक जना भारतीय नागरिकको भने परिचय खुल्न सकेको छैन।
घाइतेहरू सारथी कम्पनीमार्फत् सडक निर्माणको काम गरिरहेका मजदुर रहेको जनाइएको छ। स्थानीय सुरक्षाकर्मीहरूले उद्धार गरी उनीहरूलाई उपचारका लागि धारचुला अस्पताल पुर्याइएको छ।
- Jigyasa media
