सिन्धुली – नुहाउने क्रममा खोलामा डुबेर एक किशोरीको ज्यान गएको छ।
तीनपाटन गाउँपालिका–१, छरछरेकी १७ वर्षीया सोमकुमारी चौहान झुगा खोलामा नुहाउने क्रममा डुबेर गम्भीर घाइते भएकी थिइन्।
बुधबार (चैत ६) अपराह्न करिब सवा ४ बजे घटना भएको हो। उनलाई तत्कालै बेलघारीस्थित प्राथमिक स्वास्थ्य केन्द्रमा सामान्य उपचार गरिएको थियो। अवस्था गम्भीर भएकाले थप उपचारका लागि जिल्ला अस्पताल सिन्धुली लगिएको थियो।
तर, चिकित्सकीय प्रयासका बाबजुद बुधबार बेलुका उनको मृत्यु भएको वाग्मती प्रदेश प्रहरी कार्यालयले जानकारी दिएको छ।
- Jigyasa media
