विराटनगर, चैत ११ – प्रेस चौतारी नेपालको १०औं महाधिवेशनबाट गणेश पाण्डे सर्वसम्मत अध्यक्ष चयन भएका छन्।
महाधिवेशनमा अध्यक्ष पदका दावेदार राजेश राईले उम्मेदवारी फिर्ता लिएपछि पाण्डे सर्वसम्मत रूपमा नेतृत्वमा चयन भएका हुन्। राईले निर्वाचनको माग गरेका थिए, तर अन्ततः नेतृत्वले सर्वसम्मतिको मार्ग रोजेपछि उनले दाबी छाडे।
भावुक सम्बोधनका क्रममा राईले आफ्ना धारणा राख्दा महाधिवेशन प्रतिनिधिहरू भावविह्वल भएका थिए।
नयाँ कार्यसमितिमा उपाध्यक्षमा चेतन अधिकारी र कृपा भण्डारी चयन भएका छन् भने महासचिवमा हिरामान लामाले निरन्तरता पाएका छन्। महाधिवेशनले पूर्ण कार्यसमिति सर्वसम्मत रूपमा चयन गरेको छ।
- Jigyasa media
