चैत २६, काठमाडौं — काठमाडौंको तीनकुनेमा केही दिनअघि भएको प्रदर्शनका क्रममा तोडफोड र आगजनीमा संलग्न रहेको आरोपमा प्रहरीले थप दुई व्यक्तिलाई पक्राउ गरेको छ।
गत चैत १५ गते राजावादी आन्दोलनको दौरान तीनकुने क्षेत्रमा सरकारी तथा निजी सम्पत्तिमा तोडफोड र आगजनी भई करोडौंको क्षति पुगेको थियो। प्रदर्शन नवराज सुवेदीको संयोजकत्व र दुर्गा प्रसाईंको अगुवाइमा गरिएको थियो।
पक्राउ परेका व्यक्तिहरूमा भोजपुरको अरुण गाउँपालिका निवासी ४५ वर्षीय दिलकुमार श्रेष्ठ र सिन्धुपाल्चोकको लिसंखुपाखर गाउँपालिका निवासी ३० वर्षीय जितबहादुर श्रेष्ठ रहेका छन्।
उनीहरूलाई काठमाडौंका विभिन्न स्थानबाट नियन्त्रणमा लिइएको हो। जिल्ला प्रहरी परिसर, काठमाडौंका अनुसार, पक्राउ परेका दुवैजनालाई अपराधिक उपद्रवसम्बन्धी मुद्दामा काठमाडौं जिल्ला अदालतबाट २० दिनको म्याद थप गराई अनुसन्धान अघि बढाइएको छ।
- Jigyasa media
