रुकुम पश्चिम – रुकुम पश्चिमको आठबिसकोट नगरपालिका–१० घारीखोलामा छोराले आफ्नै बुबाको हत्या गरेका छन्। २० वर्षीय वीरबहादुर खत्रीले ५० वर्षीय आफ्ना बुबा दर्वे खत्रीको चक्कु प्रहार गरी हत्या गरेको जिल्ला प्रहरी कार्यालयले जनाएको छ।
आइतबार साँझ भएको यस घटनापछि वीरबहादुर फरार रहेका छन्। घटनाको अनुसन्धान र अभियुक्तको खोजीका लागि इलाका प्रहरी कार्यालय आठबिसकोटबाट प्रहरी निरीक्षक गणेश खनालको नेतृत्वमा १० जनाको टोली परिचालन गरिएको छ।
प्रहरीका अनुसार घटनाको कारण अहिलेसम्म खुल्न सकेको छैन। जिल्ला प्रहरी कार्यालयका सूचना अधिकारी प्रहरी निरीक्षक ऋषि पाठकका अनुसार फरार अभियुक्तलाई पक्राउ गर्न तीव्र खोजी कार्य जारी छ।
यो घटनाले गाउँमा त्रास फैलिएको छ भने स्थानीयले छिटोभन्दा छिटो अभियुक्त पक्राउ गरी कारबाहीको माग गरेका छन्।
- Jigyasa media
