काभ्रे
१८ भदौ, काभ्रेपलाञ्चोक जिल्लाको मालपोत कार्यालयमा बुधबार बिहान अख्तियार दुरुपयोग अनुसन्धान आयोगको टोलीले छापा मारी मुद्दा फाँटका कर्मचारी नासु ज्ञानेन्द्र भण्डारीलाई २ लाख रुपैयाँ नगदसहित नियन्त्रणमा लिएको छ।
अख्तियारले भण्डारीलाई कार्यालयमै छापा मार्ने क्रममा नगदसहित नियन्त्रणमा लिएको पुष्टि गरेको छ। आयोगका प्रवक्ता राजेन्द्रकुमार पौडेलका अनुसार, टोली घटनास्थलमा रहेकाले विस्तृत विवरण आयोगमा प्रतिवेदन आएपछि मात्र सार्वजनिक गरिनेछ।
भण्डारीमाथि थप अनुसन्धान जारी रहेको अख्तियारले जनाएको छ। यस घटनाले मालपोत कार्यालयमा लामो समयदेखि बढ्दै आएको घूस र अनियमितताको गुनासो फेरि सतहमा ल्याएको छ।
-
Jigyasanepal
