काठमाडौँ, भदौ २६ ।

देशभर मनसुन सक्रिय रहेकाले आज दिउँसो र राति विभिन्न प्रदेशमा मध्यमदेखि भारी वर्षा हुने प्रक्षेपण गरिएको छ। जल तथा मौसम पूर्वानुमान महाशाखाले बिहीबार बिहान ६ बजे जारी गरेको २४ घण्टे बुलेटिनअनुसार कोसी, मधेस, बागमती, गण्डकी र लुम्बिनी प्रदेशका विभिन्न स्थानमा भारी वर्षा हुने सम्भावना रहेको छ।

दिउँसोको अवस्था

दिउँसो देशभर साधारणतया बदली रहनेछ। कोसी, मधेस, बागमती, गण्डकी र लुम्बिनी प्रदेशका पहाडी भूभागका केही स्थानमा मध्यम वर्षा हुनेछ भने यी प्रदेशका एक–दुई स्थानमा भारी वर्षा पर्न सक्ने महाशाखाले जनाएको छ। तराईका थोरै भागमा समेत वर्षा हुने अनुमान गरिएको छ।

रातिको अवस्था

राति पनि देशभर आकाश ढाकिनेछ। कोसी, मधेस, बागमती, गण्डकी र लुम्बिनी प्रदेशका केही स्थानमा मध्यम वर्षा हुने प्रक्षेपण छ। साथै, कोसी प्रदेशका पहाडी क्षेत्र, मधेस, गण्डकी र लुम्बिनी प्रदेशका तराई भूभागका केही स्थानमा भारी वर्षा हुने सम्भावना रहेको छ।

वर्षाको मापदण्ड

१० मि.मि. भन्दा कम – हल्का वर्षा

१० देखि ५० मि.मि. – मध्यम वर्षा

५० देखि १०० मि.मि. – भारी वर्षा

१०० देखि २०० मि.मि. – धेरै भारी वर्षा

२०० मि.मि. भन्दा माथि – अति भारी वर्षा

स्थानगत प्रतिशत आधारमा वर्षा

१०% भन्दा कम – एक–दुई स्थान

१०%–३०% – थोरै स्थान

३०%–५०% – केही स्थान

५०%–८०% – धेरै स्थान

८०% भन्दा बढी – अधिकांश स्थान

सतर्कता

महाशाखाले वर्षाका कारण पहिरो, गेग्रान बहाव, नदी–नालामा पानीको सतह बढ्ने, यातायात अवरुद्ध हुने जस्ता जोखिम बढ्न सक्ने चेतावनी दिएको छ। नागरिकलाई सतर्क रहन, अनावश्यक यात्रा नगर्न र जोखिमपूर्ण भूभागमा उच्च सावधानी अपनाउन आग्रह गरिएको छ।

👉 आज दिउँसोदेखि राति सम्मै पाँच प्रदेशमा भारी वर्षाको सम्भावना भएकाले आपतकालीन पूर्वतयारी र सतर्कता अनिवार्य देखिन्छ।

• Jigyasanepal