३ माघ, कपिलवस्तु । कपिलवस्तुको वाणगंगा नगरपालिका–११ स्थित भित्री सडकखण्डमा दुई मोटरसाइकल एकापसमा ठोक्किँदा दुई जनाको ज्यान गएको छ भने एक जना गम्भीर घाइते भएका छन्। गएराति करिब साढे १० बजे भएको दुर्घटनामा यूपी ५५ एएच ७०९० नम्बरको भारतीय मोटरसाइकलका चालक नेहामन अली (३५) र लु १० प ४४९६ नम्बरको नेपाली मोटरसाइकलका चालक रोमन थारु (२७) गम्भीर घाइते भए। उनीहरुको उपचारका क्रममा अस्पतालमै मृत्यु भएको कपिलवस्तु जिल्ला प्रहरी कार्यालयका प्रवक्ता डिएसपी मोहनमणि अधिकारीले जनाएका छन्।

दुर्घटनामा घाइते भएका २६ वर्षीय अजय थारुको स्थानीय अस्पतालमा उपचार भइरहेको छ।

दुर्घटनाको कारण र थप अनुसन्धान

प्रहरीका अनुसार दुर्घटनाको कारण प्रारम्भिक रूपमा तीव्र गतिका कारण हुनसक्ने अनुमान गरिएको छ। घटनाको विस्तृत अनुसन्धान भइरहेको छ।

सावधानीको अपिल

प्रहरीले रातको समयमा सावधानीपूर्वक सवारी सञ्चालन गर्न र गति नियन्त्रणमा राख्न आग्रह गरेको छ। यस्ता दुर्घटनाले सडक सुरक्षा सम्बन्धी सचेतनाको खाँचो औंल्याएको छ।

• Jigyasa media