मभदौ १०, २०८२, काठमाडौँ ।आज (भदौ १०, मंगलबार) तीजको अवसरमा मौसम पूर्वानुमान महाशाखाले देशभरको सम्भावित मौसमको जानकारी सार्वजनिक गरेको छ।
दिउँसोको मौसम:
देशका पहाड भेगमा सामान्यतया बादल छाउने अनुमान गरिएको छ भने बाँकी स्थानमा आंशिक बदली रहनेछ। कोसी प्रदेश र सुदूरपश्चिम प्रदेशका पहाडी क्षेत्रका थोरै स्थान र तराईका एक-दुई स्थानमा मध्यम वर्षा हुन सक्ने सम्भावना छ।
रातिको मौसम:
राति देशको पहाडी भूभागमा सामान्यतया बादल छाउनेछ, बाँकी भूभागमा आंशिक बदली रहनेछ। कोसी प्रदेशसँगै बागमती र गण्डकी प्रदेशका पहाडी क्षेत्रका थोरै स्थान तथा बाँकी भूभागका एक-दुई स्थानमा मध्यम वर्षा हुन सक्ने सम्भावना छ।
मौसम महाशाखाको व्याख्या:
हल्का वर्षा: २४ घण्टाभित्र १० मिलिमिटरभन्दा कम पानी पर्नु।
मध्यम वर्षा: १०–५० मिलिमिटर पानी पर्नु।
भारी वर्षा: ५०–१०० मिलिमिटर पानी पर्नु।
धेरै भारी वर्षा: १००–२०० मिलिमिटर पानी पर्नु।
अति भारी वर्षा: २०० मिलिमिटरभन्दा बढी पानी पर्नु।
वर्षाको सम्भावना:
एक-दुई स्थानमा वर्षा: १०% भन्दा कम क्षेत्रफलमा पानी पर्ने सम्भावना।
थोरै ठाउँमा वर्षा: १०–३०% क्षेत्रफलमा पानी पर्ने सम्भावना।
केही स्थानमा वर्षा: ३०–५०% क्षेत्रफलमा पानी पर्ने सम्भावना।
धेरै ठाउँमा वर्षा: ५०–८०% क्षेत्रफलमा पानी पर्ने सम्भावना।
अधिकांश स्थानमा वर्षा: ८०% भन्दा बढी क्षेत्रफलमा पानी पर्ने सम्भावना।
मौसम पूर्वानुमान अनुसार, तीजको दिन देशका अधिकांश पहाडी र तराईका एक-दुई स्थान बाहेक सुख्खा रहनेछ, तर केही ठाउँमा हल्का देखि मध्यम वर्षाको सम्भावना रहेको छ।
-
Jigyasanepal
