🌧️ जेठ १४, बुधबार – जिज्ञासा नेपाल
देशमा पश्चिमी वायु, स्थानीय प्रणाली र बंगालको खाडीबाट आउने जलवाष्पयुक्त हावाको प्रभावले मौसममा व्यापक परिवर्तन देखिएको छ। मौसम विभागले आज हल्कादेखि मध्यम वर्षा र केही ठाउँमा चट्याङसहित मेघगर्जन हुने पूर्वानुमान गरेको छ।
🔹 दिउँसो : लुम्बिनीसहित पहाडी भेगमा बादल, केही ठाउँमा वर्षा
आज दिउँसो लुम्बिनी प्रदेशसहित देशका पहाडी भेगमा आंशिकदेखि सामान्य बदली रहनेछ। त्यस्तै, देशका उच्च पहाडी तथा हिमाली क्षेत्रमा एक–दुई स्थानमा हल्का वर्षा वा हिमपात हुने सम्भावना छ।
देशभरका विभिन्न भूभागमा खासगरी:
- थोरै स्थानमा हल्कादेखि मध्यम वर्षा,
- एक-दुई स्थानमा मेघगर्जनसहित पानी पर्ने सम्भावना छ।
🌙 राति : बागमती–गण्डकीका पहाडी क्षेत्रमा विशेष सतर्कता
रातको समय बागमती, गण्डकी लगायतका पहाडी क्षेत्रमा बदली रहनेछ। यी क्षेत्रमा पनि मेघगर्जन र चट्याङसहित हल्कादेखि मध्यम वर्षाको सम्भावना छ।
📌 वर्षाको दर यस्तो रहन्छ:
मौसमविद्का अनुसार,
- १० मिमी भन्दा कम : हल्का वर्षा
- १०–५० मिमी : मध्यम वर्षा
- ५०–१०० मिमी : भारी वर्षा
- १००–२०० मिमी : धेरै भारी वर्षा
- २०० मिमी माथि : अति भारी वर्षा मानिन्छ।
त्यस्तै,
- "केही स्थानमा" भन्ने अर्थ: ५०% क्षेत्र
- "थोरै स्थान" : २५–३०%
- "एक-दुई स्थान" : २५% भन्दा कम भूभागमा वर्षा
📣 सावधानी अपनाऔं!
चट्याङ र मेघगर्जनसहितको वर्षा हुन सक्ने भएकाले बाहिरी गतिविधि गर्दा सतर्कता अपनाउन,
खासगरी उच्च पहाडी क्षेत्र र खुला ठाउँ मा रहनेहरूलाई विशेष सावधानी आवश्यक छ।
👉 अपडेटका लागि मौसम विभागको सूचना नियालिरहनुहोस्।
-
Jigyasanepal
