रामेछाप – रामेछापमा भएको जिप दुर्घटनामा मृत्यु हुनेमध्ये थप एक जनाको पहिचान खुलेको छ। जिल्ला प्रहरी कार्यालयका अनुसार मृतक हिराबहादुर कार्की हुन्, तर उनको ठेगाना भने अझै खुलेको छैन।
दुर्घटनामा परी गोकुलगंगा गाउँपालिका–४ का वडाध्यक्ष रामचन्द्र बस्नेतको पनि निधन भएको पुष्टि भएको छ। अन्य तीन मृतकको पहिचान अझै हुन सकेको छैन।
शुक्रबार खिम्ती–बेताली सडकखण्डमा ना १ ज ७१२३ नम्बरको जिप करिब ३०० मिटर तल खस्दा पाँच जनाको मृत्यु भएको थियो भने तीन जना घाइते भएका छन्।
प्रहरीका अनुसार घाइतेको उद्धार गरी उपचारका लागि नजिकैको स्वास्थ्य संस्थामा पठाइएको छ। दुर्घटनाको कारण अनुसन्धान भइरहेको छ।
यो घटना सँगै दुर्गम क्षेत्रका असुरक्षित सडक संरचना र यात्रु सुरक्षाबारे थप चिन्ता बढेको देखिन्छ।
- Jigyasa media
