काठमाडौं – काठमाडौंको कमलपोखरीस्थित सानदार मःम पसलमा भएको आगलागीमा घाइते भएका मध्ये दुईजनाको मृत्यु भएको छ। प्रहरीका अनुसार, गए राति (माघ २८) कीर्तिपुर बर्न अस्पतालमा उपचारका क्रममा रविन राई र भीमबहादुर घलेको निधन भएको हो।
जिल्ला प्रहरी परिसर, काठमाडौंका प्रमुख एसएसपी विश्व अधिकारीका अनुसार, सोही आगलागीमा परी अन्य नौ जना घाइते भएका छन्, जसको हाल अस्पतालमा उपचार भइरहेको छ।
प्रारम्भिक अनुसन्धानअनुसार, ग्यास चुहावटका कारण आगलागी भएको अनुमान गरिएको छ। घटनाको विस्तृत अध्ययन भइरहेको प्रहरीले जनाएको छ।
- Jigyasa media
