काठमाडौं, गोकर्णेश्वर नगरपालिका–३, गाम्छामा एकै परिवारका तीन जना सदस्य मृत अवस्थामा भेटिएका छन्। मृतकहरूमा ३३ वर्षीया सीता मोक्तान, उनकी छोरी अंशु मोक्तान, र दुई महिनाका छोरा रहेका छन्।
श्रीमती र बच्चाहरू हराएको भन्दै सीताको श्रीमान् कान्छा नगरकोटीले प्रहरीलाई जानकारी दिएपछि अनुसन्धानका लागि प्रहरी टोली घटनास्थलमा पुगेको थियो। जाँच गर्दा बन्द कोठाभित्र शव फेला परेको प्रहरी स्रोतले जनाएको छ।
हाल घटनास्थलमा जिल्ला प्रहरी परिसर काठमाडौं, प्रहरी वृत्त बौद्ध, र उपत्यका अपराध अनुसन्धान कार्यालयको टोलीले अनुसन्धान गरिरहेको छ। साथै, त्रिवि शिक्षण अस्पताल महाराजगञ्जबाट चिकित्सक टोलीसमेत घटनास्थलमा खटिएको छ।
- Jigyasa media
