काठमाडौं – वैदेशिक रोजगारीका लागि प्रमुख गन्तव्य मानिने मलेसियाबाट १८ जना नेपालीलाई निष्कासन गरिएको छ।
मलेसियामा लाखौं नेपाली विभिन्न कम्पनीहरूमा कार्यरत छन्। तर, कतिपय कानुनी प्रक्रिया पूरा गरी पुगेका भए पनि केही अनियमित तरिकाले बसेका कारण त्यहाँको अध्यागमनले समय-समयमा कारबाही गर्दै आएको छ।
ताजा घटनामा, मलेसियाको अध्यागमन विभागले कानुनविपरीत बसोबास गरिरहेका १८ नेपालीलाई पक्राउ गरी निष्कासन गरेको हो। उनीहरूलाई मलिन्दो एयरलायन्समार्फत नेपाल फर्काइएको बताइएको छ।
निष्कासितमध्ये चन्द, तामाङ, चौधरी, बलोन, बुढाथोकी, श्रेष्ठ, तमेली, यादव, सार्की, घर्तीमगर, शेर्पा, कानु, आले मगर, सुनार, रिमाल, यादव, लिम्बु, र तामाङ थरका नेपाली नागरिक रहेका छन्।
यसअघि पनि मलेसिया सरकारले गत पुसमा १३ जना र मंसिरमा २६ जना नेपालीलाई निष्कासन गरिसकेको थियो।
👉 कानुनी प्रक्रिया पूरा गरी वैदेशिक रोजगारमा जानुहोस्! अनियमित बसोबासले समस्यामा पार्न सक्छ।
- Jigyasa media
