मुग्लिन–नारायणघाट सडकखण्डमा चामल बोकेको ट्रक दुर्घटनामा परेर दुई जनाको मृत्यु भएको छ भने तीन जना गम्भीर घाइते भएका छन्।
दुर्घटना इच्छाकामना गाउँपालिका–६ नौकिलोमा आइतबार साँझ भएको हो। बा.प्र.०३००१ ख ३४९० नम्बरको ट्रक अनियन्त्रित भएर सडक किनारमा पल्टिँदा मकवानपुर गढी गाउँपालिकाका दिपक दाहाल र श्याम बजगाईंको घटनास्थलमै ज्यान गएको इलाका प्रहरी कार्यालय मुग्लिनले जनाएको छ।
घाइते तीन जनाको भरतपुर अस्पतालमा उपचार भइरहेको छ। तीमध्ये दुई जनाको अवस्था गम्भीर रहेको जनाइएको छ। दुर्घटनापछि ट्रकमा च्यापिएका घाइतेहरुलाई उद्दार गरी उपचारका लागि पठाइएको प्रहरीले जानकारी दिएको छ।
प्रहरीका अनुसार ट्रक अनियन्त्रित भई पल्टिएको कारण खुल्न नसकेको र यसबारे थप अनुसन्धान जारी छ।
- Jigyasa media
