काठमाडौं, जेठ १६ । यस वर्षको मनसुन निश्चित समयभन्दा १५ दिन अगावै नेपाल भित्रिएको छ।
जल तथा मौसम विज्ञान विभागका अनुसार बिहीबार रातिदेखि पूर्वी नेपाल हुँदै मनसुन प्रवेश गरेको हो। हाल कोशी प्रदेशका अधिकांश भागमा हल्कादेखि मध्यम वर्षा भइरहेको छ।
मनसुनसँगै जोखिम पनि : प्राधिकरणको चेतावनी
मौसम पूर्वानुमान महाशाखाले सरदरभन्दा बढी वर्षा हुने सम्भावना औंल्याएको छ। यससँगै, राष्ट्रिय विपद् जोखिम न्यूनीकरण तथा व्यवस्थापन प्राधिकरणले सम्भावित मनसुनी विपद्का लागि राष्ट्रिय कार्ययोजना लागू गरिएको जनाएको छ।
प्राधिकरणले सार्वजनिक गरेको आँकडाअनुसार,
👉 मनसुनी प्रभावका कारण
४ लाख ५७ हजार घरधुरीका
१९ लाख ९७ हजार नागरिक प्रभावित हुनसक्ने जोखिम छ।
अझै केही दिनमै फैलनेछ सिङ्गो नेपालभर
महाशाखाका अनुसार हाल मनसुन कोशी प्रदेशमा फैलिसकेको भए पनि अन्य प्रदेशहरूमा यसको प्रभाव केही दिनमा विस्तार हुने अनुमान गरिएको छ।
चेतावनी र तयारी
विशेषतः पहिरो, बाढी, डुबान, नदी कटानजस्ता जोखिमहरूलाई मध्यनजर गर्दै
• स्थानीय तह
• सुरक्षा निकाय
• सरोकारवाला निकायहरू
लाई सजग र सतर्क रहन सुझाव दिइएको छ।
🌧️ मनसुनसँगै पानीको राहत पनि, तर जोखिमलाई नबिर्सौं।
जिज्ञासा नेपालमा मौसम, सुरक्षा र जीवनसँग जोडिएका खबरका लागि नियमित रूपमा जोडिनुहोस्।
-
Jigyasanepal
