ताप्लेजुङ । पाथीभरा (मुक्कुमलुङ) मा निर्माणाधीन केबुलकारको विषयमा उठेको विरोधलाई सम्बोधन गर्न सरकार वार्तामा जुटेको छ। ‘नो केबुलकार समूह’ को आन्दोलनलाई मध्यनजर गर्दै सरकारले हाललाई परियोजना रोक्ने निर्णय लिएको छ।
सोमबार गृह मन्त्रालयका सहसचिव तथा वार्ता टोलीका संयोजक प्रेमप्रसाद भट्टराईले विज्ञप्ति जारी गर्दै आन्दोलनरत पक्षलाई संवादका लागि आमन्त्रण गरेका छन्।
सरकारी वक्तव्यमा उल्लेख गरिएको छ:
"आन्दोलनरत पक्षले उठाएका सामाजिक, धार्मिक, सांस्कृतिक तथा स्थानीय समुदायका विषयलाई मध्यनजर गर्दै केबुलकार निर्माण कार्य हाललाई स्थगित गरिएको छ। वार्ता र संवादकै माध्यमबाट समस्याको शान्तिपूर्ण समाधान खोज्न आग्रह गरिन्छ।"
सरकारी निर्णयसँगै आगामी दिनमा पाथीभरा केबुलकार परियोजनाको भविष्य वार्ताको निष्कर्षमा निर्भर रहने देखिएको छ।
- Jigyasa media
