काठमाडौं – पश्चिमी न्यूनचापीय प्रणालीको आंशिक प्रभाव र स्थानीय वायुको मिश्रणका कारण देशका केही स्थानमा मौसम बदली भएको छ भने केही ठाउँमा हल्का वर्षा पनि भएको जल तथा मौसम पूर्वानुमान महाशाखाले जनाएको छ।
मौसमविद् सञ्जिव अधिकारीका अनुसार कोशी, बागमती, र गण्डकी प्रदेशमा आंशिकदेखि सामान्य बदली भएको छ, भने कोशी प्रदेशका पहाडी क्षेत्रमा हल्का वर्षा भइरहेको छ। अन्य प्रदेशहरूमा भने मौसम प्रायः सफा रहेको छ।
आगामी दिनको मौसम पूर्वानुमान
▶ आज राति – कोशी, गण्डकी, र कर्णाली प्रदेशका पहाडी क्षेत्रमा हल्का वर्षा तथा हिमाली क्षेत्रमा हल्का हिमपातको सम्भावना।
▶ शनिबारदेखि – मौसम क्रमिक रूपमा सुधार हुँदै जाने अनुमान।
महाशाखाका अनुसार हाल प्रि-मनसुनी गतिविधि सक्रिय भएकाले मौसममा केही परिवर्तन देखिएको हो। पश्चिमी न्यूनचापीय प्रणालीको सामान्य प्रभाव र स्थानीय वायुको प्रभावका कारण मौसममा उतारचढाव देखिएको बताइएको छ।
बिहीबारदेखि काठमाडौं उपत्यकाको आकाश पनि बदली रहेको छ भने शनिबारदेखि सुधारको संकेत देखिएको छ।
- Jigyasa media
