काठमाडौं – पेरुका पूर्व राष्ट्रपति अल्बर्टो फुजिमोरीको बुधबार राजधानी लिमा, पेरुमा ८६ वर्षको उमेरमा निधन भएको छ। क्यान्सरसँग लामो समयदेखि संघर्ष गरिरहेका फुजिमोरीको स्वास्थ्य अवस्था बिग्रिँदै गएको थियो।

फुजिमोरीकी छोरी केइकोले सामाजिक सञ्जालमा लेखेकी छन्, "बुबा अल्बर्टो फुजिमोरीले प्रभुलाई भेट्न प्रस्थान गर्नुभएको छ।" अगस्टमा जिब्रोको क्यान्सरको उपचारपछि उनको स्वास्थ्य अवस्थामा गम्भीर समस्या देखिएको थियो। परिवारका अनुसार उनलाई अन्तिम पटक बिहीबार लिमाको मिराफ्लोरेस जिल्लामा एक क्लिनिकबाट बाहिर निस्कँदै गर्दा सार्वजनिक रूपमा देखिएको थियो।

फुजिमोरी सन् १९९० देखि सन् २००० सम्म पेरुको राष्ट्रपति बनेका थिए। उनलाई २०२१ डिसेम्बरमा मानवीय आधारमा जेलबाट रिहा गरिएको थियो। उनका समर्थकले उनलाई विद्रोही संगठनहरू शाइनिङ पाथ र टुपाक अमारु विरुद्धको सफल अभियानका लागि सम्झिन्छन् भने आलोचकहरूले उनलाई निरङ्कुश शासकका रूपमा देख्छन्।

पेरुमा सन् १९८० देखि २००० सम्म चलेको गृहयुद्धमा ६९ हजारभन्दा बढी व्यक्तिको मृत्यु भएको र २१ हजार व्यक्ति बेपत्ता भएका थिए, जसमा फुजिमोरीको नेतृत्वको भूमिकालाई मिश्रित दृष्टिकोणले हेरिन्छ।

• Jigyasa media