रौतहट, माघ २३ – सरस्वती पूजाको मूर्ति विसर्जन गर्ने क्रममा बाग्मती नदीमा डुब्दा एक युवकको ज्यान गएको छ।
राजदेवी नगरपालिका–७ मुडवलवाका २२ वर्षीय सुरज यादव मूर्ति विसर्जनका लागि नदीमा गएका बेला अचानक डुबेर बेपत्ता भएका थिए। घटनापछि सुरक्षाकर्मी र स्थानीयबासीले खोजी अभियान सञ्चालन गरेका थिए, जसका क्रममा आज बिहान उनको शव डुबेकै स्थानमा फेला परेको जिल्ला प्रहरी कार्यालय रौतहटका प्रवक्ता डिएसपी दीपककुमार रायले जानकारी दिए।
पानीमुनि रहेको शव माछा मार्ने जालको सहायताले निकालिएको थियो। आवश्यक प्रक्रिया पूरा गरेपछि शवलाई परिवारको जिम्मा लगाइएको प्रहरीले जनाएको छ।
- Jigyasa media
