काठमाण्डौ । — आज राति उल्का वर्षा विशेष रूपमा देखिने भएको छ। नेपाल एस्ट्रोनोमिकल सोसाइटीका अनुसार 'भूतप' तारामण्डलबाट उत्पन्न यो उल्का वर्षा पुस १३ गतेदेखि नै सक्रिय छ, तर आज राति यसले आफ्नो चरम अवस्था पार गर्नेछ।
उल्का वर्षा प्रकाश प्रदूषण कम भएको खुला आकाशमा सहजै देख्न सकिनेछ। यसलाई हेर्न कुनै विशेष उपकरणको आवश्यकता छैन। प्रतिघण्टा ५० देखि १२० वटा उल्का पृथ्वीको वायुमण्डलमा ७० किलोमिटर माथि चम्किने अपेक्षा गरिएको छ।
उल्का वर्षा पृथ्वीले सूर्यको परिक्रमा गर्ने क्रममा अन्तरिक्षमा रहेका धुलोका कण र साना चट्टान पृथ्वीको वायुमण्डलमा तीव्र गतिमा प्रवेश गरी जल्दा उत्पन्न हुन्छ। आजको रात यो खगोलीय घटना खुला आकाशमा एक अद्भुत दृश्य प्रदान गर्नेछ।
- Jigyasa media
