गुलरिया । बर्दियाको ठाकुरबाबा नगरपालिका–१, भुरिगाउँमा घर भाडामा बस्दै आएकी राधा बोहोराको रहस्यमय मृत्यु प्रकरणमा संलग्न भएको आरोपमा प्रहरीले दुई जनालाई नियन्त्रणमा लिएको छ।
प्रहरीका अनुसार मृतक बोहोराका ६९ वर्षीय भिनाजु शान्तबहादुर खत्री र २४ वर्षीया बुहारी उमाकुमारी खत्रीलाई अनुसन्धानका क्रममा संलग्नता देखिएपछि बर्दिया जिल्ला अदालतबाट पक्राउ पुर्जी जारी गरी नियन्त्रणमा लिइएको हो।
फागुन ४ गते बिहान १०:३० बजे स्थानीयले बोहोराको घर बाहिरबाट ताल्चा लागेको देखेपछि जनप्रतिनिधिहरूको रोहबरमा ताल्चा फुटाइ भित्र जाँच गर्दा उनको शव बाँसको खामोमा झुन्डिएको अवस्थामा फेला परेको थियो।
प्रहरीले घटनास्थलको मुचुल्का उठाइ अनुसन्धान अघि बढाएको छ। अनुसन्धानका क्रममा भिनाजु र बुहारीको संलग्नता देखिएपछि थप छानबिन भइरहेको प्रहरी नायब उपरीक्षक ऋषिराम घर्तीमगरले जानकारी दिएका छन्। पक्राउ परेका दुवै जना हाल प्रहरी हिरासतमा छन्।
- Jigyasa media
