काठमाडौं: शुक्रबार नेपालका सुदूरपश्चिम, कर्णाली र अन्य पहाडी क्षेत्रहरूमा आंशिकदेखि सामान्य बदली रहने मौसमविद्हरूले अनुमान गरेका छन्। अन्य भूभागमा भने आंशिक बदलीसहित मौसम मुख्यतः सफा रहनेछ।
मौसम पूर्वानुमान महाशाखाका अनुसार देशका पहाडी क्षेत्रका केही स्थानमा मेघगर्जन र चट्याङसहित हल्का वर्षा हुने सम्भावना छ। त्यस्तै, उच्च पहाडी तथा हिमाली क्षेत्रमा हल्का हिमपातको सम्भावना रहेको छ।
रातिको समयमा पनि सुदूरपश्चिम, कर्णाली र अन्य पहाडी भागमा बादल लाग्ने सम्भावना रहेको छ भने अन्य भूभागहरूमा आंशिक बदली रहनेछ।
विशेष गरी गण्डकी, कर्णाली र सुदूरपश्चिम प्रदेशका केही स्थानमा मेघगर्जनसहित हल्का वर्षा हुन सक्ने तथा हिमाली क्षेत्रमा हल्का हिमपातको सम्भावना रहेको मौसमविद्हरूले बताएका छन्।
- Jigyasa media
