भक्तपुर, मंसिर ५। संघीय सडक सुपरीवेक्षण तथा अनुगमन कार्यालय, काठमाडौं सडक डिभिजन भक्तपुरले बिपी राजमार्ग धुलिखेल देखि बर्सेखोला सम्मको सडकखण्डमा चौकीडाँडा नार्के बजार कालढुँगा भ्याकुरे खोला माम्ती खोलासम्मको सडक खण्डमा मर्मत कार्यका कारण यातायात केही समयका लागि अवरुद्ध हुने जानकारी गराएको छ।

भौतिक पूर्वाधार तथा यातायात मन्त्रालयअन्तर्गतको सडक विभागका अनुसार, बिपी राजमार्गको सो क्षेत्रसम्मका सडक खण्डमा विशेष मर्मत कार्य भइरहेकाले आज बाट (मंसिर ५) गते राति ९ बजेदेखि बिहान ४ बजेसम्म यातायात सञ्चालन बन्द रहनेछ। अर्को सूचना जारी नभए सम्मको लागि सडक अवरुद्ध हुने बताइएको छ ।

सडक विभागले यात्रु तथा सम्बन्धित निकायलाई वैकल्पिक मार्गको प्रयोग गर्न र असुविधा भएमा क्षमाप्रार्थी रहेको जनाएको छ। साथै, मर्मत कार्य प्रभावकारी रूपमा सम्पन्न गर्नका लागि सबैलाई सहयोग गर्न आग्रह गरेको छ।

यो सूचना जारी गर्दै सडक विभागले सम्बन्धित क्षेत्रका बासिन्दा, सवारी चालक, तथा अन्य सरोकारवालाहरुलाई समयमै तयारी गर्न आग्रह गरेको छ।

• Jigyasa media