काठमाण्डौ ।
धौलागिरि हिमाल आरोहणमा गएका पाँच जना रूसी पर्वतारोहीको दुखद मृत्यु भएको छ। हाईक्याप आधार शिविरबाट आइतबारदेखि सम्पर्कविहीन रहेका उनीहरूको शव आज फेला परेको हो।
जिल्ला प्रहरी कार्यालयका प्रहरी नायब उपरीक्षक भरत श्रेष्ठका अनुसार मृतकहरूमा अलेक्जेन्डर दुशेको, ओलेग कुर्गलोभ, भ्लालिमिर चिस्तिकोभ, मिखाइल नोसेन्को र डिमित्री शालिलेभोइ रहेका छन्।
आइतबार बिहान ११ बजेदेखि सम्पर्कविहीन भएका उनीहरूको खोजी कार्य हेलिकप्टरमार्फत गरिएको थियो। शवहरू अहिले उद्धार गरी तल ल्याउने तयारी भइरहेको छ। यस आरोहण दलका एक सदस्यलाई भने जीवितै उद्धार गरी काठमाडौं पठाइएको छ।
- Jigyasa media
