जनकपुरधाम – सिरहाको सखुवा नन्कारपट्टी गाउँपालिका-३ की २० वर्षीया सरिता कुमारी सदाको सर्पको टोकाइबाट मृत्यु भएको छ। गएराति करिब १२ बजे सुतेका बेला उनलाई गोमन सर्पले टोकेको थियो।
सर्पले टोकेपछि उपचारका लागि अस्पतालमा लैजानुको सट्टा सरितालाई झाँक्रीको झारफुकमा लगिएको थियो। झारफुकबाट स्वास्थ्यमा सुधार नआएपछि अन्तिम अवस्थामा उनलाई लहान प्रादेशिक अस्पताल लगिएको थियो, जहाँ उपचारका क्रममा चिकित्सकले उनलाई मृत घोषणा गरेका हुन्।
- Jigyasa media
