काठमाडौं – त्रिभुवन अन्तर्राष्ट्रिय विमानस्थलमा अवैध सुनसहित दुई जना पक्राउ परेका छन्। पक्राउ पर्नेहरूमा अष्ट्रेलियन नागरिक ३९ वर्षीय चन्द्र कुमार पराजुली र पर्वत मोदी गाउँपालिका–७ निवासी ४० वर्षीय प्रमोद शर्मा रहेका छन्।
प्रहरीका अनुसार उनीहरू ११ ग्राम ६६० मिलिग्राम सुनसहित समातिएका हुन्। मलेसियन एयरलाइन्सको उडानबाट काठमाडौं आएका पराजुलीले विमानस्थलको शौचालयमा सुन राखेका थिए, जुन शर्मा संकलन गर्न खोज्दा पक्राउ परेका हुन्।
सुन औंठीको रूपमा ल्याइएको थियो, जसलाई भन्सार छल्दै लैजाने प्रयास गरिएको प्रारम्भिक अनुसन्धानबाट खुलेको छ। पक्राउ परेका दुवैजनालाई थप अनुसन्धानका लागि विमानस्थल भन्सार कार्यालय, गौचर पठाइएको प्रहरीले जनाएको छ।
#GoldSmuggling #TIA #NepalPolice
- Jigyasa media
