जिग्यासा नेपाल | २०८२ वैशाख ७, आइतबार देशका दुई फरक भेग हुम्ला र पाल्पामा भिरबाट लडेर दुईजनाले ज्यान गुमाएका छन्।

हुम्लाको खार्पुनाथ गाउँपालिका–७, गोक्पा गाउँ नजिकको वनमा बाख्रा चराउन गएकी अन्दाजी ४८ वर्षीया नानी ऐडीको शनिबार दिउँसो ज्यान गएको हो। वन क्षेत्रमा बाख्रा चराउने क्रममा अचानक लडेकी उनको घटनास्थलमै मृत्यु भएको आफन्त पूर्ण बुढाले पुष्टि गरेका छन्।त्यस्तै, पाल्पाको बगनासकाली गाउँपालिका–१, पिपरतुङमा ६५ वर्षीय कृष्णबहादुर चिदीको पनि भिरबाट खसेर निधन भएको छ।

घर नजिकैको बेलटारीस्थित पूजास्थल जान भनेर हिँडेका उनी अबेरसम्म नफर्किएपछि परिवारले प्रहरीलाई जानकारी गराएका थिए। खोजीका क्रममा उनको शव घरबाट झण्डै ३०० मिटर पश्चिमको भिरबाट करिब २०० मिटर तल फोक्सिखोला किनारमा भेटिएको जिल्ला प्रहरी कार्यालय पाल्पाका प्रहरी नायब उपरीक्षक सुनिल मल्लले जानकारी दिए।

यी दुबै घटनाले विकट ग्रामीण भेगमा दैनिक जीवनमा लाग्ने सामान्य यात्रासमेत कति जोखिमपूर्ण बन्न सक्छ भन्ने कुरालाई पुनः स्मरण गराएको छ ।

• T