काठमाडौं, वैशाख ८ – देशका अधिकांश पहाडी भूभागमा आज आंशिकदेखि सामान्य बदलीको स्थिति रहने मौसम पूर्वानुमान महाशाखाले जनाएको छ। विशेष गरी कोशी, बागमती र गण्डकी प्रदेशका पहाडी क्षेत्रहरूमा मौसम केही अस्थिर रहनेछ भने बाँकी भूभागमा आंशिक बदलीदेखि मौसम सामान्यतया सफा रहने सम्भावना छ। महाशाखाका अनुसार कोशी, बागमती र गण्डकी प्रदेशका पहाडी भूभागका थोरै स्थानहरू तथा अन्य प्रदेशका एक-दुई स्थानमा मेघगर्जन र चट्याङसहित हल्कादेखि मध्यम वर्षा हुन सक्ने सम्भावना छ।

त्यसैगरी, कोशी, बागमती र गण्डकी प्रदेशका उच्च पहाडी तथा हिमाली क्षेत्रका एक-दुई स्थानमा हल्का वर्षा वा हिमपात हुने संकेत पनि देखिएको छ।

रातिको मौसम आज रातिको समयमा पनि कोशी, गण्डकी र कर्णाली प्रदेशका पहाडी भागमा आंशिकदेखि सामान्य बदली रहनेछ भने अन्य भूभागहरूमा मौसम प्रायः सफा रहने महाशाखाले जनाएको छ।

रातिको समयमा पनि कोशी र गण्डकी प्रदेशका पहाडी क्षेत्रका एक-दुई स्थानमा मेघगर्जनसहित हल्का वर्षा र हिमाली क्षेत्रहरूमा हिमपातको सम्भावना कायम रहनेछ।चट्याङ र हल्का वर्षाको सम्भावित क्षेत्रहरूमा सतर्कता अपनाउन महाशाखाले अनुरोध गरेको छ। विशेषगरी उच्च पहाडी यात्रामा निस्कन लाग्नेलाई मौसमको अवस्था बुझेर मात्र यात्रा तय गर्न सुझाव दिइएको छ।

• R