माघ १८, काठमाडौं । नेपालका विभिन्न भेगमा मौसमको भिन्न प्रभाव देखिएको छ। जल तथा मौसम विज्ञान विभागका अनुसार आज बिहान तराईका केही स्थानमा बाक्लो हुस्सु लागेको छ भने पहाडी क्षेत्रमा आंशिक बदली देखिएको छ।
विभागका अनुसार कोशी प्रदेशको पहाडी भूभागमा आंशिक बादल लागे पनि अन्यत्र मौसम सफा रहनेछ। देशभर पश्चिमी वायुको सामान्य प्रभाव रहेको कारण व्यापक मौसमी परिवर्तन भने देखिएको छैन।
दिनभरि मौसम कस्तो रहनेछ?
आज दिउँसो कोशी प्रदेशका पहाडी भूभागमा आंशिक बादल लाग्ने सम्भावना छ भने अन्य क्षेत्रमा मौसम खुल्ने अनुमान गरिएको छ। यस्तै, रातिको समयमा पनि कोशी र कर्णाली प्रदेशका पहाडी क्षेत्रमा आंशिक बदली रहनेछ भने अन्यत्र मौसम सफा रहनेछ।
तराईमा हुस्सुकाे असर, सतर्कता अपनाउन आग्रह
विभागले शनिबार बिहान पनि तराईका धेरै स्थानमा बाक्लो हुस्सु लाग्न सक्ने सम्भावना रहेको जनाउँदै दैनिक जनजीवन, कृषि, स्वास्थ्य, यातायात तथा हवाई उड्डयनमा असर पर्न सक्ने चेतावनी दिएको छ। यसै कारण, सबैलाई आवश्यक सतर्कता अपनाउन अनुरोध गरिएको छ।
प्रदेशगत मौसमी अवस्था:
मौसम परिवर्तनसँगै सम्भावित प्रभावलाई मध्यनजर गर्दै सुरक्षित यात्राका लागि आवश्यक सतर्कता अपनाउन मौसम विभागले
अनुरोध गरेको छ।
- Jigyasa media
