काठमाडौं, वैशाख १९ ।
नागरिक उन्मुक्ति पार्टीका नेता रेशमलाल चौधरीविरुद्ध पक्राऊ पत्र जारी गरेका सर्वोच्च अदालतका शाखा अधिकृत महिमानसिंह विष्टलाई चार दिन हिरासतमा राख्न काठमाडौं जिल्ला अदालतले अनुमति दिएको छ।
गत बुधबार पक्राउ परेका विष्टलाई प्रहरीले अदालतमा पेश गरेपछि चार दिनको म्याद थपिएको हो।
प्रहरीका अनुसार विष्टमाथि झुटो विवरण प्रवाह गरेको र कागजातमा त्रुटिपूर्ण कार्य गरेको आरोपमा अनुसन्धान भइरहेको छ।
स्रोतका अनुसार उनले प्रक्रिया नपु¥याई आफ्नै निर्णयमा पक्राऊ आदेश पठाएको खुलेपछि, सर्वोच्च अदालत अन्तर्गतको सुरक्षा शाखाले उनलाई नियन्त्रणमा लिई जिल्ला प्रहरी परिसर, काठमाडौं को जिम्मामा दिएको थियो।
-
Jigyasanepal
