तनहुँ ।
तनहुँको आँबुखैरेनी गाउँपालिका–१, सत्रसय मा आज बिहान भएको बस दुर्घटनामा एक जनाको मृत्यु, जबकि १३ जना घाइते भएका छन्।
चितवनको भरतपुर निवासी २२ वर्षीया सुमिना सापकोटा को दुर्घटनापछि अस्पताल लैजाँदै गर्दा मृत्यु भएको हो। उनलाई आँबुखैरेनी अस्पताल पुर्याइए पनि चिकित्सकले मृत घोषणा गरेका थिए।
दमौलीबाट मुग्लिनतर्फ जाँदै गरेको बा ५ ख २९९९ नम्बरको बस अनियन्त्रित भई सडक किनारको कल्भर्टमा पल्टिएको थियो। घटनापछि ३५ वर्षीय बस चालक रविन्द्र घले लाई प्रहरीले नियन्त्रणमा लिएको छ।
घाइतेहरूको अवस्था
दुर्घटनामा कैलाली, धनगढी, तनहुँ, गोरखा, कास्की र लमजुङका १३ यात्रु घाइते भएका छन्। तीमध्ये केहीको अवस्था गम्भीर रहेको र थप उपचारका लागि नारायणी सामुदायिक अस्पताल चितवनमा पठाइएको छ।
प्रहरीका अनुसार दुर्घटनाको कारण सम्बन्धित निकायले अनुसन्धान गरिरहेको छ।
#BusAccident #Tanahun #NepalNews
- Jigyasa media
