काभ्रे, साउन १० गते

काभ्रेपलाञ्चोकको तेमाल गाउँपालिका–१ अमलटारीका गगन ब. भण्डारी (स्नेही नाम मेच्छेली दाइ) झिगुखोलाले बगाएर बेपत्ता भएपछि रातभर गरिएको खोजी कार्यपछि आज बिहान ११ बजे उनको शव फेला परेको छ।

श्रावण ९ गते राति करिब ८:४५ बजे आफ्नै धानको खेतमा पानी लगाइरहेका बेला आएको झिगुखोलाले उनलाई बगाएका थियो। त्यसयता स्थानीय बासिन्दा, प्रहरी र खोज तथा उद्धार टोलीले निरन्तर खोजी गर्दै आएका थिए।

आज बिहान सुनकोसी नदीको किनारमा उनको शव फेला परेको पुष्टि भएको छ। स्थानीयका अनुसार, शवको टाउकोमा सामान्य चोट लागेको र कानबाट रगत बगेको देखिएको छ।

घटनापछि गाउँमा शोकको वातावरण छाएको छ। सादा, सहयोगी र मिलनसार व्यक्तित्वका रूपमा परिचित गगनको असामयिक निधनले गाउँ शोकमग्न भएको छ। उनी सक्रिय कृषकका रूपमा परिचित थिए ।

झिगुखोला पाँचखाल हुँदै सुनकोसीमा मिसिने भएकाले खोजी कार्य जटिल भए पनि प्रहरी स्थनीय जनप्रतिनिधि समेतको प्रयासले शव ११ बजे फेला परेको हो । जिल्ला प्रशासन कार्यालय काभ्रेले उनी बेपत्ता भएको एरिया देखि सुनकोसी नदीको किनारमा आसपास बसोबास गर्नेहरू लाई यस अघि समेत सूचना जारी गरी सतर्क रहन अपिल गर्दै आएको छ ।

• Jigyasanepal