काठमाडौ — संखुवासभाको मकालु गाउँपालिका–५ फ्याक्सिन्दा दोभानमा बुधबार साँझ भएको टिपर दुर्घटनामा अरुण तेस्रो जलविद्युत् परियोजनामा कार्यरत दुई भारतीय मजदुरको ज्यान गएको छ। जिल्ला प्रहरी कार्यालयका प्रहरी नायब उपरीक्षक दक्षकुमार बस्नेतका अनुसार एचपी ११–४९३३ नम्बरको टिपर दुर्घटना हुँदा चालक ५७ वर्षीय शैलेन्द्रप्रताप सिंह र सवारीमा रहेका २९ वर्षीय सारुक महमदको मृत्यु भएको हो।
दुर्घटनामा घाइते भएका अन्य दुई भारतीय नागरिकको खाँदबारीस्थित जिल्ला अस्पतालमा उपचार भइरहेको छ। अरुण तेस्रो परियोजनामा काम गर्ने क्रममा भएको यस घटनाले परियोजनाका मजदुरहरूमा शोकको अवस्था सिर्जना भएको
छ।
- Jigyasa media
