काठमाडौँ । सप्तरीको शम्भुनाथ नगरपालिका-५ स्थित पूर्वपश्चिम राजमार्गमा मंगलबार बिहान भएको ट्रक दुर्घटनामा चालकको मृत्यु भएको छ।
जिल्ला प्रहरी कार्यालय सप्तरीका डिएसपी ढुण्डिराज न्यौपानेका अनुसार, पश्चिमबाट पूर्व जाँदै गरेको १२ चक्के ट्रक मोहनपुर पुलबाट अन्दाजी २० मिटर तल खस्दा चालक सबिन राईको घटनास्थलमै मृत्यु भएको हो। मृतक चालक मोरङ उर्लाबारी नगरपालिका-१ निवासी २५ वर्षीय सबिन राई रहेका छन्।
डिएसपी न्यौपानेले दुर्घटनाका क्रममा ट्रकमा फसेका चालकलाई निकाल्न नसकिएकाले घटनास्थलमै उनको मृत्यु भएको जानकारी दिए।
- Jigyasa media
