काठमाडौँ – युक्रेनको विभिन्न सहरमा शनिबार भएको रुसी क्षेप्यास्त्र आक्रमणमा पाँचजनाको मृत्यु भएको छ। युक्रेनी अधिकारीहरूका अनुसार, डिनिप्रो सहरमा एक बालकसहित तीनजनाको मृत्यु भएको छ, भने राजधानी किभ र आसपासका क्षेत्रमा एक किशोरसहित अर्को व्यक्तिले ज्यान गुमाएका छन्।
डिनिप्रो सहरको मध्य क्षेत्रमा आक्रमणले १९ जना घाइते भएका छन्। उक्त स्थानका भवनहरू क्षतिग्रस्त भएका छन् र घाइतेमध्ये आठजनालाई अस्पताल भर्ना गरिएको छ। डिनिप्रोपेट्रोभस्क क्षेत्रका गभर्नर सेर्गी लिसाकले सामाजिक सञ्जालमा पोस्ट गरेका तस्बिरमा उद्धारकर्मीहरू भग्नावशेषबाट उद्धार कार्यमा जुटेका देखिन्छन्।
रुसले युक्रेनको ऊर्जा पूर्वाधारलाई निशाना बनाउँदै लगातार क्षेप्यास्त्र र ड्रोन आक्रमण गरिरहेको छ। किभले यस अवस्थाको प्रतिकार गर्न आफ्नो हवाई सुरक्षा सशक्त बनाउन अन्तर्राष्ट्रिय सहयोगको माग गर्दै आएको छ।
- Jigyasa media
