इन्डोनेसिया र श्रीलंकामा आएको शक्तिशाली चक्रवातले भीषण वर्षा, बाढी र पहिरो निम्त्याउँदा नियन्त्रण बाहिरको मानवीय संकट सिर्जना भएको छ। विनाशकारी प्रकृतिको प्रहारले सयौँ नागरिकले ज्यान गुमाएका छन्, कैयौँ बेपत्ता भएका छन् र लाखौँ मानिस घरबारविहीन भएका छन्। प्रभावित दुबै देशले उद्धार तथा राहतका लागि सेना र सुरक्षाकर्मीहरूलाई अग्रपंक्तिमा खटाएका छन्।

इन्डोनेसियामा ६०० भन्दा बढीको मृत्यु

सुमात्रा टापुमा आएको आकस्मिक बाढी तथा पहिरोले ६०० भन्दा बढी मानिसको ज्यान लिएको आधिकारिक रिपोर्ट सार्वजनिक भएको छ। आचे प्रान्तका बाढीपीडितहरूले धेरै दिनदेखि भोजन नपाएको, उद्धार ढिलो भएको र अवस्था दिनदिनै भयावह बन्दै गएको पीडा व्यक्त गरेका छन्।

इन्डोनेसियामा हजारौँ घर डुबानमा परेका छन् र दर्जनौँ गाउँ पूर्ण रूपमा क्षतिग्रस्त भएका छन्। राहत सामग्री अभाव, दुर्गम भू–भाग र लगातारको खराब मौसमले उद्धार कार्य थप जटिल बनेको छ।

श्रीलंकामा ३९० को मृत्यु, ३५२ बेपत्ता

श्रीलंकाको विपद् व्यवस्थापन केन्द्र (DMC) का अनुसार बाढी तथा पहिरोका कारण ३९० जनाले ज्यान गुमाएका छन् भने ३५२ व्यक्ति बेपत्ता छन्। देशका अधिकांश भागमा यातायात अवरुद्ध भएको छ, खानेपानी र बिजुली सेवा प्रभावित बनेका छन्। देशभरका नदीहरू खतरा तह नाघेर बगिरहेका छन्, जसले थप क्षतिको चिन्ता बढाएको छ।

दक्षिण एसियामा व्यापक असर : मलेसिया–थाइल्यान्डमा पनि जनधनको ठूलो क्षति

उत्तरी मलेसिया र दक्षिणी थाइल्यान्डमा आएको भारी वर्षा र आँधीबेहरीका कारण कम्तीमा १७० जनाको मृत्यु भएको अन्तर्राष्ट्रिय सञ्चारमाध्यमहरूले उल्लेख गरेका छन्। ती देशहरूमा पनि हजारौँ मानिस सुरक्षित स्थानतर्फ विस्थापित भएका छन्।

त्रासद परिस्थितिमा मानविय संकट तीव्र

चार देशलाई एकसाथ प्रभावित पार्दै फैलिएको यस प्राकृतिक विपत्तिले दक्षिण एसियामा अकल्पनीय संकट निम्त्याएको छ।

मृतक संख्या लगातार बढिरहेको

बेपत्ता व्यक्तिहरूको खोजी जारी

तंगढंग राहत तथा उद्धार

विगत दशककै सबैभन्दा ठूलो प्राकृतिक विपत्तिको सम्भावना

विपत्तिपछि पुनःस्थापनाको चुनौती झनै गम्भीर बन्दै गएपछि अन्तर्राष्ट्रिय समुदायले तत्काल सहयोग आवश्यक रहेको बताइएको छ।

• Jigyasanepal