भैरहवा – रुपन्देहीको मायादेवी गाउँपालिकामा एक युवक रहस्यमय अवस्थामा मृत फेला परेका छन्। मायादेवी गाउँपालिका–२ डन्टहवाका २९ वर्षीय राकेश सिंह लोध आफ्नै घरको बरण्डामा रगतले लतपतिएको अवस्थामा भेटिएका हुन्।
जिल्ला प्रहरी कार्यालय रुपन्देहीका अनुसार प्रारम्भिक अनुसन्धानमा लोधको गोली प्रहारबाट हत्या गरिएको आशंका गरिएको छ। वडाध्यक्ष अग्नु यादवले शरीरभरि रगत देखिएकाले गोली हानिएको हुन सक्ने बताएका छन्।
एसपी रञ्जितसिंह राठौरले घटनाबारे थप अनुसन्धान भइरहेको बताए। "गोली हानिएको हो वा अन्य कारणले मृत्यु भएको हो भन्ने पोष्टमार्टम रिपोर्टपछि मात्र यकिन हुन सक्छ," उनले भने।
घटनापछि मृतकका दाजु फरार रहेको र उनीमाथि अनुसन्धान अघि बढाइएको प्रहरीले जनाएको छ। साथै, घरायसी विवादका कारण घटना भएको हुन सक्ने अनुमान गरिएको छ।
- Jigyasa media
