नुवाकोट । त्रिशूली–३ ‘ए’ जलविद्युत आयोजनाको सुरुङभित्र फसेकाहरूको उद्धारमा आशाजनक संकेत देखिएको छ। सुरुङभित्रबाट मानिस बोलेको आवाज सुनिएपछि उद्धार टोलीले खोजी तथा उद्धार अभियानलाई थप तीव्र बनाएको जनाइएको छ।
उद्धारमा खटिएको नेपाली सेनाको टोलीले सुरुङभित्रबाट मानिसको आवाज सुनेको जानकारी पाएपछि नेपाली सेना र सशस्त्र प्रहरीका विशेष उद्धार टोली सुरुङभित्र प्रवेश गरेर खोजीमा जुटेका छन्।
घटनास्थलमै रहेर उद्धार कार्यको अवस्थाबारे जानकारी दिइरहेका रास्वपा सांसद श्रीराम न्यौपानेले सुरुङभित्रबाट मानिसको आवाज सुनिएको बताएका छन्। उनका अनुसार सुरक्षा निकाय र प्राविधिक टोलीले सम्भावित स्थान पहिचान गर्दै उद्धार प्रयास अघि बढाइरहेका छन्।
सांसद न्यौपानेले उद्धारमा खटिएका नेपाली सेना, सशस्त्र प्रहरी तथा प्राविधिक टोलीको प्रयासको प्रशंसा गर्दै सुरुङभित्र फसेका सबैलाई सकुशल बाहिर निकाल्न सकिने विश्वास व्यक्त गरेका छन्।
सुरुङभित्रबाट आएको भनिएको आवाजले लामो समयदेखि उद्धारको प्रतीक्षामा रहेका परिवारमा पनि नयाँ आशा जगाएको छ।
-
Jigyasanepal
