बेलायत । एक दशकदेखि युके बस्दै आएका झापा घैलाडुब्बाका विमर्श प्रसाईंले वर्किङ भिसा लगाइदिने बहानामा युकेमै रहेका युवाहरूसँग लाखौं रकम ठगी गरेका छन् ।
केयर होममा भिसा लगाउन सहजिकरण गरिदिने भन्दै उनले बाह्रजना भन्दा बढी युवाहरूसँग पैसा लिएका थिए । भिसा नआएपछि पैसा फिर्ता माग्दा महिनौंसम्म प्रसाईंले रकम फिर्ता नगरेको पीडितहरू बताउँछन् ।
चालिस वर्षीय प्रसाईंले भावना बस्नेत, प्रविण गुरुङ, निशान शर्मा, सुरज केसीलगायत युवासँग जनही तीन हजार पाउन्ड लिएका थिए। तर सात, आठ महिना बितिसक्दा पनि उनले रकम फिर्ता नदिई उल्टै पीडितलाई बारम्बार मानसिक दबाब दिने गरेको पीडित भावना बस्नेत बताउँछिन् । उनका अनुसार पीडितहरू कानुनी परामर्शपछि उजुरी दिने तयारीमा रहेका छन् । यद्यपि बेलायतको कानुनी प्रक्रिया लामो र झन्झटिलो रहेकाले पीडितहरू नेपाली समुदाय र मिडियामा आउन बाध्य भएको बताउँछन् ।
गिलफोर्ड बस्दै आएका प्रसाईं अहिले साउथ लन्डन बस्छन् ।
-
Jigyasanepal
