कविता:
✍🏼श्रवण मुकारुङ
ल्याम्पपोस्टमुनि आगो तापिरहेछन्- नानीहरू
युगौंदेखि छ- जाडो
उहिल्यै त दाउरा बाल्थे रे ताप्न
बाल्थे रे- पानी र हावा
हामीले बाल्यौं टायर भत्केका मिनिबसका
बाल्यौँ खबरकागज र राजनेताका पम्पलेट
आज नानीहरू बालिरहेछन्- धर्मग्रन्थका अन्तिम पृष्ठ
फिल्मफेयर र आधुनिक कविता के बाल्लान् भोलिका नानीहरू ?
के बाल्लान् हूँ ...?!
युगौंदेखि छ - जाडो
ल्याम्पपोस्टमुनि आगो तापिरहेछन्- नानीहरू ।
श्रवण मुकारुङ जीवनको लय बाट
- Jigyasa media
