काठमाडौं, साउन २४ - साफ यू-२० च्याम्पियनसिप अन्तर्गत समूह ए को अन्तिम खेलमा नेपालले बंगलादेशलाई २-१ ले पराजित गर्दै समूह विजेता बनेको छ।
नेपालका लागि समिर तामाङ र निराजन धामीले गोल गरे। सातदोबाटोस्थित एन्फा कम्प्लेक्समा भएको खेलमा नेपालले २० मिनेटभित्रै दुई गोल गर्दै बलियो अग्रता लिएको थियो। तर, बंगलादेशले पहिलो हाफमै पेनाल्टीमार्फत एक गोल फर्कायो।
नेपालका प्रमुख प्रशिक्षक उर्जन श्रेष्ठले जित्नैपर्ने खेलमा टोलीले उत्कृष्ट प्रदर्शन गरेको बताए। उनले भने, "उनीहरूलाई बराबरी पनि पर्याप्त थियो, त्यसैले गोल गरेपछि उनीहरूले आक्रमण बढाए र हामीमाथि दबाब सिर्जना गर्यो। दोस्रो हाफमा हामीले मिडफिल्डमा नियन्त्रण गर्दै खेल्यौं।"
- Jigyasa media
