काठमाडौं – महिला साफ च्याम्पियनसिपमा नेपालले माल्दिभ्सलाई ११-० गोलको विशाल अन्तरले पराजित गर्दै प्रभावशाली जित हासिल गरेको छ। सोमबार दशरथ रंगशालामा भएको खेलमा रेखा पौडेल र प्रिती राईले ह्याट्रिक गर्दै उत्कृष्ट प्रदर्शन गरे। रेखाले ५ गोल र प्रितीले ३ गोल गर्दै नेपाललाई ऐतिहासिक जितमा पुर्याए।
रेखाले खेलको ३१औं, ४१औं, ४७औं, ६३औं र ७८औं मिनेटमा गोल गर्दै पाँच गोल पुर्याइन् भने प्रितीले खेलको ५औं, ६५औं र ८७औं मिनेटमा गोल गरी ह्याट्रिक पूरा गरिन्। अन्य गोल सविता राना मगर (२८औं मिनेट), अनिता केसी (६८औं मिनेट) र अमिसा कार्की (८८औं मिनेट) ले गरेका थिए।
नेपालले यस जितसँगै ४ अंक जोडेको छ। प्रतियोगितामा नेपालको पहिलो खेल भुटानविरुद्ध गोलरहित बराबरीमा टुंगिएको थियो।
- Jigyasa media
