काठमाडौं, कात्तिक १७ - हङकङ सिक्सेस क्रिकेट प्रतियोगितामा नेपालले शनिबार अस्ट्रेलियाविरुद्ध ११ रनको सानदार जित हात पारेको छ। नेपालले टस हारेर ब्याटिङको निम्तो पाउँदै ६ ओभरमा २ विकेटको क्षतिमा १११ रन बनाएको थियो।

कप्तान सन्दीप जोराले १६ बलमा ५ चौका र ४ छक्कासहित ५१ रनको उत्कृष्ट पारी खेले। उनको रिटायर्ड आउट भएपछि विवेक यादव क्रिजमा आएर थप योगदान गरेका थिए। लोकेश बमले पनि आक्रामक खेल देखाउँदै १३ बलमा ३ चौका र ३ छक्कासहित ३३ रन बनाए। विवेक यादवले १२ रन जोडे भने अन्य खेलाडीको योगदान मिलेर कुल १११ रन पुगेको थियो।

अस्ट्रेलियाले ११२ रनको लक्ष्य पछ्याउने क्रममा ६ ओभरमा १०० रन मात्र बनाउन सक्यो। अस्ट्रेलियाका ज्याक वुडले ५५ रन बनाए पनि अन्य खेलाडी दोहोरो अंक जोड्न नसक्दा टिम ११ रनले पराजित भयो। नेपालका प्रतिश जिसीले ३ विकेट लिंदै बलिङमा पनि उत्कृष्ट प्रदर्शन गरे भने लोकेश बम र विवेक यादवले १/१ विकेट लिए।

यसअघि, नेपालले प्रतियोगितामा इंग्ल्याण्डलाई पराजित गरेको थियो। नेपालले आज दिउँसो क्वाटरफाइनल खेल्नेछ। प्रतियोगितामा १२ टोलीहरूको सहभागिता रहेको छ।

• Jigyasa media