बैंगलोर । न्युजिल्यान्डविरुद्धको पहिलो टेस्टमा भारतको पहिलो पारी ४६ रनमा सिमित भएको छ। घरेलु टोलीले टस जितेर ब्याटिङ थालेको थियो, तर ३१.२ ओभर खेल्दै सबै विकेट गुमायो। भारतका पाँच प्रमुख ब्याट्सम्यानले खाता खोल्न सकेनन्। विकेटकिपर ऋषभ पन्तले सर्वाधिक २० रन बनाए भने यशस्वी जैसवालले १३ रन जोडे।
न्युजिल्यान्डका म्याट हेनरीले ५ विकेट लिंदै घातक बलिङ प्रदर्शन गरे, जबकि विलियम ओरोर्कले ४ र टिम साउथीले १ विकेट लिए। अन्य भारतीय खेलाडीहरू विराट कोहली, सरफराज खान, केएल राहुल, रवीन्द्र जडेजा, र रविचन्द्रन अश्विन शून्यमा आउट भए। कप्तान रोहित शर्माले २, कुलदीप यादवले २, जसप्रित बुमराहले १ र मोहम्मद सिराजले ४ रन बनाएका थिए।
यो तीन टेस्ट खेलको शृङ्खलाको पहिलो खेल हो, जुन बिहीबारदेखि बैंगलोरमा सुरु भएको छ।
- Jigyasa media
