काठमाडौं – अन्तर्राष्ट्रिय क्रिकेट परिषद (आईसीसी) विश्वकप लिग-२ अन्तर्गत आज नेपालले स्कटल्याण्डसँग प्रतिस्पर्धा गर्दैछ। यो खेल अमेरिकाको डालसस्थित ग्रान्ड प्रेरि स्टेडियममा आज राति नेपाली समय अनुसार सवा ९ बजे सुरु हुनेछ।
यसअघि आइतबार राति भएको पहिलो खेलमा नेपाल अमेरिका विरुद्ध ३ विकेटले पराजित भएको थियो। लिग-२ को अंक तालिकामा नेपालले हालसम्म खेलेका ९ खेलमा केवल १ जित हात पार्दै ३ अंक जोडेको छ, जसका कारण तालिकाको पुछारबाट दोस्रो स्थानमा रहेको छ। यसै क्रममा अमेरिका १० खेलमा १४ अंकसहित दोस्रो स्थानमा छ भने स्कटल्याण्ड ८ खेलबाट ११ अंकसहित चौथो स्थानमा रहेको छ।
लिग-२ प्रतियोगितामा नेपालसँगै क्यानडा, अमेरिका, नेदरल्याण्ड्स, स्कटल्याण्ड, नामिबिया, ओमान, र युनाइटेड अरब इमिरेट्स (यूएई) पनि प्रतिस्पर्धामा
छन्।
- Jigyasa media
