काठमाडौं, चैत ९ – प्रधानमन्त्री कप पुरुष राष्ट्रिय क्रिकेट प्रतियोगितामा बागमती प्रदेशले शानदार प्रदर्शन गर्दै कोशी प्रदेशलाई १३१ रनले पराजित गरेको छ। शनिबार देउखुरीमा सम्पन्न खेलमा बागमतीका स्पिनर सुर्य तामाङको घातक बलिङ निर्णायक रह्यो।
बागमतीले दिएको २४१ रनको लक्ष्य पछ्याएको कोशी २५.३ ओभरमै १०९ रनमा समेटियो। कोशीका लागि आइस भट्टराईले सर्वाधिक ३७ रन बनाए भने सुजन थपलियाले २५ र फिर्दोश अन्सारीले २४ रनको योगदान दिए। तर, सुर्य तामाङले ९ ओभरमा मात्र २७ रन खर्चेर ५ विकेट लिँदै कोशीको ब्याटिङ लाइन ध्वस्त पारे। साथै, रिजन ढकालले ३ विकेट तथा साकार गजुरलले २ विकेट लिए।
यसअघि टस जितेर पहिले ब्याटिङ गरेको बागमती ४९.३ ओभरमा सबै विकेट गुमाउँदै २४० रनमा सीमित भयो। शुभ कंसाकारले ३९, आशुतोष घिरैयाले २९ तथा इशान पाण्डे र बिपिन आचार्यले समान २५ रन बनाए। रिजन ढकालले २२, सोनु देवकोटाले १८ तथा सुर्य तामाङले अविजित १७ रनको योगदान दिए।
कोशीका बलरहरूमध्ये सुजन थपलिया र प्रकाश कार्कीले समान २-२ विकेट लिए भने फिर्दोश अन्सारी, ज्ञानेन्द्र श्रेष्ठ र दिपेश कँडेलले १-१ विकेट हात पारे।
सुर्य तामाङको उत्कृष्ट बलिङ प्रदर्शनकै कारण बागमतीले प्रतियोगितामा महत्वपूर्ण जित हासिल गर्नसफल भयो।
- Jigyasa media
