काठमाडौं - नेपाली राष्ट्रिय क्रिकेट टोलीका कप्तान रोहितकुमार पौडेल वर्षका उत्कृष्ट पुरुष खेलाडी घोषित भएका छन्। उनले शुक्रबार सम्पन्न पल्सर स्पोर्ट्स अवार्ड २०८० मा ‘वर्ष उत्कृष्ट पुरुष खेलाडी’ अवार्ड जितेका हुन्।
नेपाल खेलकुद पत्रकार मञ्चले आयोजना गरेको पल्सर स्पोर्ट्स अवार्डमा रोहितलाई ‘प्लेयर अफ द इयर’ घोषित गरिएको थियो। क्यानडामा रहेकाले रोहितको तर्फबाट उनका आमा र दाजुले अवार्ड ग्रहण गरेका थिए।
यो प्रतिष्ठित अवार्डका लागि रोहितसँगै फुटबलका अनन्त तामाङ, क्रिकेटका दीपेन्द्रसिंह ऐरी, करातेका मोहम्मद शेखु आलम र गल्फका सुवास तामाङ मनोनयनमा परेकाथिए।
- Jigyasa media
